العيد .. مش بالموود

بحب العيد بس ما بعشقه … بحبة عشان قيمته الدينية والمعنويه والعطلة طبعاً بس ما بعشقه لتقليديته وكلسيكيتو … مش شرط أفرح للأزمة ، ولا لغلاء الأسعار الموسمي ولا لأزمة الشوارع ولا للناس ألي بتضرب بعض عشان يشترو أخر بلوزة من أخر نمرة .. ولا للعيديه المحسوب الها ألف حساب ولا للاستنفار العائلي الموسمي والتجند للإلتزامات العائلية ، ولا لحبة المعمول ألي لو ما أخدتها من كل بيت بفوتو بكون كسرت خاطر ست البيت ، طب أنا ما بحب المعمول ولا بحب ريحته ، ولا بحب أعمل طواف الأقارب والجيران ألي يدوب حافظة أساميهم .. ليش لازم أفراح العيد تكون كلاسيكية .. نفسي أفرح بالعيد ع طريقتي… اصحى أبوس ماما وأعيد عليها لأنها فعلياً عيدي اليومي …. جلسة عائلية مقربة و لطيفة … أفطر وأطلع .أمشي بالشوارع بملابسي العادية مش ضروري اشتري اواعي جداد ..أضحك وأنسى شغلي وأضيع وقت حر من كل الألتزامات لو عل الرصيف .. .. أشوف الناس ألي بحبهم واللي زمان ما شفتهم .. أعيد عل الناس ألي نسيو حالهم ونسيهم العيد ، ازور دور الأيتام والعجزه… اه ما تستغربو أنا من هاد النوع المفلسف .. … عيلتك بشفوك كل يوم .. في ناس نفسها تحس أن حدا شايل همها لو بإبتسامة .